AS SELECCIÓNS GALEGAS INFANTÍS E CADETES XOGARÁN MAÑÁ OS CUARTOS DE FINAL DO CESA 2023

Catro combinados galegos (as categorías infantil e cadete masculina e feminina) xogarán mañá os cuartos de final do CESA Costa Blanca 2023. Hoxe confirmaron o ascenso ao Campionato as seleccións cadetes (masculina e feminina) e a infantil feminina, todas elas fronte a Asturias. No aspecto negativo, confirmouse o descenso á Copa da selección xuvenil feminina, que fixo un gran partido ante Euskadi. Por último, sinalar que a selección xuvenil masculina venceu hoxe a Aragón, aínda que continuará en Copa.

Infantil masculina: Navarra, 20 – 39, Galicia

Terceiro e intranscendente partido para a selección galega infantil masculina, xa que todo estaba decidido (Galicia era primeira de grupo e Navarra estaba descendida). Así que o difícil era estar enchufados no xogo. No inicio, o conxunto galego saíu ben, pero enseguida se desconectou, aínda que sempre co dominio no marcador. Ao descanso, 14-19, pero as sensacións non eran as que quería o corpo técnico.

Así que no vestiario houbo charla e os rapaces saíron a dalo todo, coma sempre. E entón, todo comezou fluír. Dende esa magnífica defensa que lles caracteriza, cambiou a cara do equipo, que deixou a Navarra en so 6 tantos na segunda metade. Desta forma, o equipo de Menduiña se despide da fase de grupos con boas sensacións e xa pensa nos cuartos de final, onde tratará de dalo todo para meterse nas semifinais.

20. Navarra: Xabier Beriain, Daniel Quesada (3), Iker Díaz, Alain Hidalgo (2), Mikel Osete (1), Íñigo Garralda (2), Eneritz Shiyong, Egoi Parrondo, Unai Torregrosa (1), Alain Illescas (2), Eneko Arguibide (1), Yago Maestu (5), Mikel Latasa, Sergio Andueza (2), Iker Baquedano (1).

39. Galicia: Hugo Carreira, Christian Ferradás (2), José Enrique Portas (2), Xurxo Otero (4), Xoan Canedo (2), Lucas Díaz (5), Martín Vázquez (3), Manuel Souto (5), Xoel Lago (2), Lois Alonso (4), Luis Martínez (2), Matías Gestido, Marcos Carlón, Saul Fuentefría (3), Dimitrije Doder (3), Pablo Pardo (7).

Árbitros: Marta Fernández e Maialen Calderón. Excluíron dous minutos a Mikel Soete e Sergio Andueza (Navarra) e aos galegos Martín Vázquez, Lois Alonso, Saúl Fuentefría e Pablo Pardo.

Parciais: 3-5, 5-8, 8-12, 12-15, 14-19 (descanso), 17-24, 17-27, 18-31, 19-35, 20-39 (final).

Incidencias: Partido correspondente á terceira xornada do Campionato de España Infantil Masculina, grupo A, celebrado no Pabellón Pau Gasol.

Mañá, Galicia-Asturias (18:00 horas)

Infantil feminina: Asturias, 16 – 19, Galicia

As minigalaicas están nos cuartos de final do CESA! Foi un partido moi duro e competido contra Asturias, que se decidiu nuns últimos e apaixonantes minutos, nos que a figura da meta galega Raquel Blanco foi crucial.

O partido comezou ben para Galicia que, como sempre, non escatima nin unha gota de esforzo na intensidade defensiva. Así, dende o minuto 1, o combinado dirixido por Ana Alonso logrou poñerse por diante, primeiro con distancias curtas e despois, máis amplas, para chegar ao descanso cinco tantos arriba (6-11). Pero as nosas sabían que no segundo tempo, Asturias ía esmagar e non se equivocaron. As asturianas abriron a súa defensa e comezou o sufrimento de Galicia, que non era quen de chegar en posicións cómodas ao lanzamento. Así, o partido se igualou e chegou ao minuto 45 con empate (16-16). Os minutos finais foron de infarto, aínda que Asturias nunca logrou poñerse por riba. Con 16-17 a favor de Galicia, Asturias dispuxo dun 7 metros e aquí apareceu a figura da meta galega Raquel Blanco que fixo tres paradas consecutivas en minuto e medio, e Galicia pechou un triunfo merecido por corazón, ganas e confianza nas súas forzas.

O obxectivo do ascenso está cumprido e agora toca desfrutar dos cuartos de final do CESA ante Canarias.

16. Asturias: Lucía Suárez, Teresa Fernández,Candela Menéndez, Elena García (2), Ángela Granados (2), Paula Fernández (4), Elena Peláez (1), Elsa Parajón (2), Marina González, Lucía Calleja (5), Ruth Pozuelo, Olaya Laruelo, Noa Álba, Genesis Camila, Daniela Berdasco.

19. Galicia: Iria Alonso, Emma Rial (5), Candela Martínez (1), Gabriela Martins (6), Ana Cancelas, Noa Portela, Lorena Ngnipa (1), Iris Santana (2), Sara Limes (2), Raquel Muñiz (2), Alba del Valle, Leira Brun, Irene Rodríguez, Vera Sierra, Leyre Azurmendi, Raquel Blanco.

Árbitros: Juan Luis Gómez e Joaquín Gázquez. Excluíron dous minutos a Ángela Granados, Paula Fernández e Lucía Calleja (2), por Asturias e a  Candela Martínez, Noa Portela e Sara Limes (Galicia).

Parciais: 0-1, 2-3, 4-5, 5-7, 6-11 (descanso), 8-12, 9-14, 13-14, 16-16, 16-19 (final).

Incidencias: Partido correspondente á fase intermedia da Copa de España Infantil Feminina, grupo B, celebrado no Pabellón Colegio San Agustín.

Mañá, Canarias-Galicia (12:00 horas)

Cadete feminina: Galicia, 30 – 21, Asturias

A selección galega cadete feminina acadou o ascenso á Campionato! Primeiro obxectivo acadado polas rapazas dirixidas por Adrián Pumar e agora a soñar! Hoxe enfrontáronse a Asturias nesta loita polo ascenso e, como en días anteriores, a clave estivo na defensa 6:0. O combinado galego saíu moi intenso, con moitas axudas  e sen dar opcións a Asturias, que non sabía como librarse desa presión. Así,no minuto 15 o resultado era 10-3. Pero estas rapazas non baixan a intensidade e seguiron presionantes para chegar ao remate dos primeiros 30 minutos cun definitivo 18-6. O inicio da segunda metade seguiu cos mesmos parámetros e a vantaxe ampliouse ata os 16 goles (23-7, min- 35) e iso permitiu a Pumar dar minutos a todas as xogadoras para así chegar en mellores condicións ao partido de mañá de cuartos de final do Campionato de España ante Navarra, segunda clasificada do grupo A.

30. Galicia: Carmen Magallanes (6), Leire González (2), Isis Moreno (2), Iria López (2), Ainé Roca (1), Naihara Costas (3), Salma Aakcha, Celia Pérez (1), Alba Pérez (2), Paula Diéguez, Uxía Fernández (2), Iria Augusto (1), Alejandra Montenegro (2), Isabel Álvarez (2), Leticia Santos, Iria Benaches (4).

21. Asturias: Carlota Colunga, Vega Fernández (1), María Sosa (1), Laura Fernández, Paola Martínez, Leyre Nieto (3), Inés Quirós (2), Vera Sánchez (1), Leire Vigil (3), Irene Campal, Laura Sánchez (3), Marian Mallou, Cecilia Cuesta (1), Llara Solís (5), Adriana Menéndez (1).

Árbitros: Cristina Gil y Rafael Gil. Excluíron dous minutos as galegas Isabel Álvarez e Leticia Santos e ás asturianas Vega Fernández, Vera Sánchez e Adriana Menéndez.

Parciais: 5-1, 7-2, 10-3, 12-3, 14-4, 18-6 (descanso), 23-7, 24-9, 26-12, 27-13, 28-17, 29-21 (final)

Incidencias: Partido correspondente á fase intermedia da Copa de España Cadete Feminina, celebrado no Polideportivo Municipal de Sant Joan.

Mañá, Navarra – Galicia (12:00 horas).

Cadete masculina: Galicia, 31 – 22, Asturias

E continuaron as boas novas pola tarde co ascenso da selección galega cadete masculina. Foi un partido que foi madurando pouco a pouco. Galicia sabía que por plantilla era superior, mentres que Asturias dispoñía dun sete inicial moi competitivo, pero menos fondo de armario. Así que era cuestión de tempo e de seguir facendo as cousas como ata agora. A fantástica defensa do noso equipo permitíalle recuperar balóns e acadar goles rápidos á contra. Así,  dende o inicio, o dominio foi de Galicia. Ao descanso, 14-11, para os nosos. Tralo paso por vestiarios, César Armán deu entrada a xogadores frescos, que non xogaran na primeira parte, e romperon o partido, como sempre dende a defensa. A distancia foi medrando: 5, 6 goles, para chegar ao 31-22 final.

Agora coa tranquilidade de acadar o primeiro obxectivo, toca soñar con facer algo importante no Campionato. Traballo, ganas e ilusión non faltan.

31. Galicia: Alonso Martínez, Atalo Bello (4), Marcos Suárez (2), Nicolás Cancela, Yago López (3), Iván Sánchez, Manuel Hernández (7), Marcos Varela, Daniel Periscal (3), Roque Estévez (2), Pablo Pazos (2), Jaime Serrano (1), Samuel Seijas (3), Henrique Traba (3), Diego Mourelle (1), Adrián Chapela.

22. Asturias: Illán Álvarez, Diego Ruiz (5), Jorge Martínez (2), Matias de la Puente, Carlos Medina (4), Marcos González (2), Diego Fernández (2), Diego Hevia (2), Edgar Fernández, Pablo González (1), Julio Belver, Yuma Álvarez (1), Víctor Ruiz, Igor Fernández, Jaime Marín (3).

Árbitros: David Targarona e Marc Jiménez Excluíron dous minutos a Nicolás Cancela, Yago López, Jaime Serrano e Henrique Traba, por Galicia e aos asturianos Diego Ruiz e Diego Hevia (2).

Parciais: 5-3, 6-5, 7-5, 9-6, 12-8, 14-11 (descanso), 18-12, 19-13, 22-15, 24-16, 27-18, 31-22 (final)

Incidencias: Partido correspondente á fase intermedia da Copa de España Cadete Masculina, grupo A, celebrado no Polideportivo Municipal de Sant Joan.

Mañá, Catalunya-Galicia (16:00 horas)

Xuvenil feminina: Euskadi, 28 – 25, Galicia.

Non puido ser. A selección galega xuvenil feminina necesitaba hoxe vencer por nove tantos a Euskadi para poder seguir en campionato e a pesar de facer o mellor partido do torneo, non puideron vencer.

Esta vez si, as galaicas saíron enchufadas dende o inicio e nos primeiros minutos puxéronse por diante no marcador, con distancias curtas. Así foi ata case mediada a primeira parte, cando Euskadi logrou adiantar a Galicia e acadar un pequena vantaxe. Ao descanso, 13-10.

Na segunda parte, Galicia seguiu intentándoo, pero enfronte estaba un gran rival, que non quería sorpresas, polo que seguiron traballando moi serias para pechar unha axustada vitoria, que deixa ao noso equipo na Copa de España, onde mañá se enfrontará a Asturias.

28. Euskadi: Uxue Alonso, Haizea García (1), Eider Elorza (6), June Amilibia (3), Irati San Martín, Izaro Saiz (7), June Dorronsoro, Maialen Olabarria, Iohane Narvaiza, June Zubiaurre, Maialen Orbañanos (9), Eider Tapia (2), Libe Arruabarrena, June Urbitarte, Eider Polo.

25. Galicia: Irene Ríos, Lucía Méndez (3), Ángela Vilaboa (2), Aroa Fernández (1), Lucía Villamarín (1), Nayara Pereira, Yaiza Gil (1), Inés Bernárdez, Nerez Patiño (4), Lucía Álvarez (4), Mencía Lorenzo, Carla Vidal, Nerea Arias (4), Lucía Lema, Sara Pereira (5), Iria Sierra.

Árbitros: Cristina Martín y Libertad Martínez. Excluíron dous minutos a June Dorronsoro, June Zubiaurre e Eider Tapia, por Euskadi e á galega Aroa Fernández (3, descualificada no minuto 51:59).

Parciais: 2-4, 5-6, 7-6, 9-7, 11-8, 13-10 (descanso), 18-11, 19-15, 21-16, 21-18, 25-22, 28-25 (final).

Incidencias: Partido correspondente a terceira xornada da fase de grupos do Campionato de España. Palau D´Esports Vila D´Altea.

Mañá, Galicia-Asturias (11:00 horas), cuartos de final da Copa de España.

Xuvenil masculina: Galicia, 28  – 26, Aragón

O combinado galego xuvenil masculino sobrepúxose ao golpe recibido onte, ao quedarse sen opcións de ascenso na segunda xornada, para facer un gran partido e vencer a Aragón a base de solidariedade, compromiso e unión.

Nas dúas últimas semanas, a selección recibiu moi malas novas en forma de lesións. Perderon a tres homes moi importantes na semana previa ao CESA e o equipo reaccionou facéndose forte como grupo para enfrontar as adversidades. E precisamente iso foi o que pasou hoxe.

Fronte a un gran rival como Aragón, con bos xogadores e moitos centímetros de máis, Galicia fixo un fantástico traballo, cunha grande intensidade defensiva e solidariedade no traballo, mentres que en ataque soubo facer un xogo dinámico, con velocidade de pelota e con pausa, cando era necesario. Así, lograron poñerse por diante no marcador e incluso alcanzar os seis tantos de vantaxe. No tramo final tocou sufrir, con Aragón atosigando, pero Galicia xogou con cabeza fría e mostrou que aprendeu dos erros, para saír airoso nun final agónico.

Vitoria galega e a pensar e gozar do resto da competición.

28. Galicia: Mateo Pallas, Eduardo Alonso (6), Brais Martínez (3), Iago Rivas (2), Pablo Fernández (1), Alexandre Gallego, Denis Iglesias (2), Senén Garea, Xoan Fernández, Carlos Menduiña (1), David Failde, Nuno Loxo (4), Carlos Morales (4), Juan Rodríguez (4), Manuel Soliño (1).

26. Aragón: Juan García (1), Álvaro Acosta (3), Pelayo Gil (1), Joel Romero (3), Guillermo García (1), Marcos Montañés (1), Marcos Rodríguez, Fernando Baquero, Rafael Val (5), Santiago Carroquino (7), Javier Salafranca (3), Antonio Cánovas (1), Valentín Ruiz, Ángel Calvo, Lorenzo Nasarre, Carlos Sánchez.

Árbitros:Manuel Juan Dato e Ioana Mihaela. Excluíron dous minutos aos galegosBrais Martínez e Alex Gallego e a Pelayo Gil, Javier Salafranca, Valentín Ruiz e Ángel Calvo, por Aragón.

Parciais: 3-2, 3-5, 7-9, 9-11, 11-12, 15-14 (descanso), 18-15, 20-18, 22-19, 26-20, 26-23, 28-26 (final)

Incidencias: Partido correspondente á terceira xornada da Copa de España Xuvenil  Masculina, grupo B, celebrado no Pabellón Els Oms-Mutxamel.

Mañá, Galicia-Castela a Mancha (18:00 horas), cuartos Copa.