A FEDERACIÓN GALEGA E A EMPRESA GALEGA AMURA SPORT PRESENTAN O PROTOTIPO DE MÁSCARA DEPORTIVA PARA O BALONMÁN GALEGO

Despois de semanas de traballo con especialistas, para buscar a máscara técnica que mellor se adapte á práctica deportiva, a Federación Galega de Balonmán xa poder presentar a súa máscara oficial, realizada xunto á empresa galega Amura Sport.

Hoxe celebrouse a presentación desta máscara de competición, coa presenza do secretario xeral para o Deporte, José Ramón Lete Lasa; o presidente da Federación Galega de Balonmán, Bruno López Molina; e a responsable de Amura Sport, María Regojo, ademais do xefe do Servizo de Deportes de Pontevedra, Daniel Benavides, e o vicepresidente da FGBm, Fernando Mosquera.

Foi un traballo contra o reloxo, no que a Federación contou cun gran aliado, a empresa galega Amura Sport que asumiu o reto coa máxima profesionalidade e a mesma ilusión que o balonmán galego. “Estamos moi contentos co resultado, despois de moito traballo por ambas partes, acadouse un modelo ergonómico, cun alto grao de filtración bacteriana, lixeiro e cun sistema de suxeición adaptado ás necesidades do balonmán. Ademais está a provocar boas sensacións na práctica deportiva. de todos os xeitos, trátase da versión 1.0 e tanto Amura coma a FGBm xa teñen grandes avances para a 2.0; a profesionalidade e a capacidade para resolver todas as cuestións que plantexamos por parte de Amura Sport foi clave para acadar un resultado satisfactorio”, manifestou o presidente Bruno López.

Pola súa banda, a representante de Amura, María Regojo, destacou que “a filosofía da nosa empresa e traballar da man co deportista para poder conseguir o produto desexado. As cousas saen ben cando se axuntan forzas e nesta ocasión a Federación e Amura traballaron conxuntamente para acadar o mellor modelo de máscara para os deportistas da Federación Galega”.

O secretario xeral para o Deporte José Ramón Lete  destacou que “cada vez son máis os datos de científicos e expertos que avalan que coa máscara non descende o rendemento e que é a única forma segura de facer deporte. Desgraciadamente, no balonmán, estamos a ver numerosos casos de coronavirus pero non dubidamos que coa nova máscara de Amura, cunha excelente ergonomía, un alto grao de filtración bacteriana, lixeira e cun sistema de suxeición adaptado ás necesidades do balonmán, os nosos deportistas estarán máis seguros e polo tanto, toda a poboación estará máis protexida”.

A máscara

Esta máscara foi sometida a estudos de rendemento deportivo a diferentes intensidades (baixa, media e alta), sen amosar diferenzas substanciais nos índices de saturación de parcial de osíxeno ou de frecuencia cardíaca. O xefe dos servizos médicos e vicepresidente da Federación Galega de Balonmán, Fernando Mosquera seguiu de preto os avances e certificacións deste modelo. A máscara da FGBm ten una filtración bacteriana superior ao 90% e un índice de respirabilidade do 13Pa/cm2.

Con respecto ao seu uso, ten unha vida útil recomendada de 20 lavados (con deterxente normal a un máximo de 60 grados, na lavadora), aínda que a Federación afondará neste tema e noutros moitos relacionados cun correcto uso da máscara no curso do protocolo FISICOVID-DXT Galego que se celebrará a partires do sábado. Con respecto ao deseño, leva o logo da Federación Galega e o hashtag “Balonmangalego” e haina en diferentes cores. Nas vindeiras semanas sairán novos modelos que permitirán facer unha pequena homenaxe aos clubs e de seguro sorprenderán a moitos e moitas.

A Federación Galega de Balonmán, tal e coma informou na pasada asemblea do 26 de setembro, investirá o 100% dos dereitos de participación da presente campaña na financiación de máscaras a repartir entre os diferentes clubs, coa finalidade de que ningún neno/a deixe de practicar balonmán pola imposibilidade de adquirilas.

Dende hoxe mesmo, os clubs xa poderán comezar a facer os seus pedidos a través da tenda online na páxina web da Federación Galega de Balonmán.

9 Comments to “ A FEDERACIÓN GALEGA E A EMPRESA GALEGA AMURA SPORT PRESENTAN O PROTOTIPO DE MÁSCARA DEPORTIVA PARA O BALONMÁN GALEGO”

  1. Yolanda dice:

    Nos pueden Informar dónde podemos encontrar estás mascarillas. Mis hijos juegan al balonmano y me gustaría localizarlas

  2. FGBalonmán dice:

    Buenas tardes Yolanda,

    Le dejo el enlace de la empresa que las comercializa. https://amurasport.com/tienda/78-federacion-gallega-de-balonmano
    Un saludo!

  3. of course like your web site but you have to test the spelling on several of your posts. A number of them are rife with spelling issues and I in finding it very bothersome to inform the truth then again I will surely come back again.

  4. Hello.This post was extremely fascinating, particularly because I was looking for thoughts on this subject last Monday.

  5. Terrific post however I was wondering if you could write a litte more on this subject? I’d be very thankful if you could elaborate a little bit further. Thank you!

  6. Fitspresso dice:

    I¦ve recently started a site, the info you provide on this site has helped me greatly. Thank you for all of your time & work.

  7. Java Burn dice:

    With everything that appears to be building within this subject material, many of your opinions are relatively exciting. Nevertheless, I appologize, but I can not subscribe to your entire idea, all be it stimulating none the less. It looks to us that your remarks are not completely rationalized and in reality you are your self not entirely confident of the point. In any event I did enjoy reading through it.

  8. Alice Stortz dice:

    I appreciate, cause I found exactly what I was looking for. You’ve ended my 4 day long hunt! God Bless you man. Have a nice day. Bye

  9. Java Burn dice:

    A formidable share, I simply given this onto a colleague who was doing somewhat analysis on this. And he in actual fact bought me breakfast because I discovered it for him.. smile. So let me reword that: Thnx for the treat! However yeah Thnkx for spending the time to discuss this, I really feel strongly about it and love studying extra on this topic. If possible, as you grow to be expertise, would you mind updating your blog with more particulars? It is highly useful for me. Massive thumb up for this blog publish!

Deja una respuesta

Tu dirección de correo electrónico no será publicada. Los campos obligatorios están marcados con *