“A Praia Banda do Río en Bueu dará a benvida á Xira Galega de Balonmán Praia”

A Federación Galega de Balonmán, da man da Mancomunidade de Concellos do Morrazo  levará o balonmán ás praias de Bueu e Moaña a través de cinco probas e unha Fase Final:

• Iª Proba: Concello de Bueu (Praia Banda do Río). Do 29 de xuño ao 2 de xullo; participarán todas as categorías agás as xuvenís.
• 2ª Proba: Concello de Bueu (Praia Banda do Río) e Concello de Marín (Praia de Loira). Do 6 ao 9 de xullo; participarán todas as categorías agás as cadetes.
• 3ª Proba: Concello de Moaña (Praia da Xunqueira). Do 13 ao 16 de xullo; participarán todas as categorías agás as infantís.
• 2ª Proba: Concello de Moaña (Praia da Xunqueira). Do 20 ao 23 de xullo; participarán todas as categorías agás as sénior.

A Xira Galega dará comezo o xoves 29 de xuño na praia Banda do Río (Bueu). A competición levarase a cabo en catro pistas ata o 2 de xullo, e en dúas pistas do 6 ao 9 de xullo; participarán mais de 85 equipos divididos en nove categorías masculinas e femininas.

A gran demanda de participación, unida á dificultade loxística e ás limitacións de ocupación máxima dos areais provoca que cada torneo se celebre de xoves a domingo, ademais de estar a traballar nunha sede máis (problablemente Marín) para albergar os encontros do 6 ao 9 de xullo. 

Esta iniciativa pretende que o balonmán praia esté presente durante o mes de xullo en forma de competición federada, pero que tamén dé a posibilidade de que calqueira persoa poida practicalo fóra dos horarios de competición; para iso, o estadio que montará a Federación Galega de Balonmán estará a disposición dos clubs para a celebración de adestramentos, campus, actividades de promoción, etc…; mais aló do que a propia federación vaia a organizar.

Bruno López, presidente da FGBm destacou: “é especial comezar en Bueu, o Balonmán Praia Galego débelle moito a este concello, por todas as facilidades que nos aporta, polo marco incomparable que supón para os e as participantes, e porque supón volver ás orixes, xa que a Asociación O Patelo foi das pioneiras no fomento desta modalidade dentro da nosa comunidade”.

Todos os clubs ou equipos interesados en participar na Xira Galega de Balonmán Praia deberán anotarse a través da páxina web da Federación Galega de Balonmán ou dirixirse a bmpraia@fgbalonman.com.

Aquí mesmo se pode descargar o NOREBAP-GA, A Circular Nº1, a póliza do Seguro Deportivo e o díptico informativo: