COMPLICADO DÍA PARA GALICIA QUE SÓ METE A INFANTIL MASCULINO E XUVENIL FEMININO NOS CUARTOS DE FINAL DO CESA

Día moi complicado para as seleccións galegas no Campionato de España de Seleccións Territoriais de Murcia. Hoxe foi un día de bágoas, de tristeza e de enorme desilusión para os combinados galegos. Só acadaron o pase para os cuartos de final, a selección infantil masculina e a xuvenil feminina, aínda que hoxe tamén perderon os seus partidos. O resto competirán na Copa de España a partir de mañá.

Infantil feminina. Navarra 24:12 Galicia

24. Navarra: Saioa García, Nahia Esteban (3), Irune Urbeltz, Irune Puncel, Amaia Moreno, Anne Beloki (2), Ane Arrasate (3), Uxue Ilzarbe (2), Jone Goya, Irene Glaria, Nerea Gembero (2), Irune Arrasate (1), Ane Domínguez (3), June Aguinagalde (5), Garzi Valenzuela (2), Uxue Iriarte (1).

12. Galicia: Yanet Rodríguez, Uxía Crespo, Gabriela Martíns (2), Eva González, Lara Moure, Candela Martínez, Daniela Suárez, Lía Salvado, Goretti Carballal, Iria López (1), Leire González (1), Celia Pérez (3), Adriana Barreiro (3), Ana Prol, Leire Martínez (2), Aldara Porrúa.

Árbitros: Eric Zambrano y Lluis Plaza. Excluíron dous minutos a Daniela Suárez e Lía Salvado, por Galicia.

Parciais: 2-3, 4-6, 8-7, 12-7, 13-7 (descanso), 16-7, 19-8, 22-9, 22-9, 24-12 (final).

Incidencias: Terceira xornada do grupo B da categoría infantil feminina do CESA 2022.

Nada puideron facer as nosas minigalaicas no seu enfrontamento ante Navarra, un dos grandes favoritos a subirse ao podio. As galegas, empatadas a puntos coa segunda e a terceira clasificada, quedan cuartas por gol-average e xogarán a partir de agora a Copa de España.

A derrota inesperada das galegas ante Canarias foi a culpable da situación na que se atopaban, xa que a pesar de gañar a Valencia, os dous puntos non serían suficientes no triplo empate que se viviu. Así, había que saír a por todas e iso foi o que fixeron as nosas xogadoras, cun fantástico inicio (3-6, min. 8). Navarra solicitou tempo morto para recompoñer a súa defensa e a partir de aí as cousas comezaron a cambiar, aínda que o equipo galego chegou vivo ata o minuto 15  (7-7). E a partir de aí, un apagamento total en Galicia que estivo paralizada nos 7 tantos durante 25 minutos. Non volver marcar ata o minuto 10 da segunda parte e para entón xa estaba todo decidido (18-8). A segunda metade foi un suplicio para as nosas minigalaicas, que non merecían este final, despois do grandísimo traballo feito ante Valencia.

Infantil masculina. Cataluña 28:19 Galicia

28. Cataluña: Jan Berruezo, Guillem Martínez, Ian Viladiu (3), Bruno Iglesias, Mario Santiago (2), Marcel Cordonet (2), Lucas Espejo (7), Guillem Nadal, A-u Carballar (3), Guim Puntas (1), Álvaro Andreu (2), Pau Enric, Alex Pérez (3), Alex Fernández (1), Roc Paez (2), Xavier Molero (2).

19. Galicia: Rubén Costas, Xoel Rodríguez, Adrián Nogueira (1), Xoel Lago (2), Xoel Malfaz (1), Marcos Varela (1), Iago Castro (1), Mateo Martínez (1), Pablo Pazos (2), Roque Díaz, Roque Estévez (5), Jorge Outón, Jaime Serrano, Mateo López (2), Nicolás Cancela (3), Borja García.

Árbitros: Cristian Da Silva e Tomás García, que excluíron dous minutos a Ian Viladiu (2), Pau Enric e Alex Pérez, por Cataluña e a Iago Castro, Pablo Pazos, Jaime Serrano, Mateo López, Nicolás Cancela (2) e Borja García, por Galicia.

Parciais: 3-1, 5-2, 8-4, 10-7, 15-9 (descanso), 18-12, 19-13, 21-14, 23-18, 28-19 (final)

Incidencias: Terceira xornada do CESA, grupo B do Campionato de España categoría Infantil Masculina.

Galicia infantil masculina rematou esta primeira fase de grupos como segunda clasificada do grupo B ao perder hoxe con Cataluña. Neste terceiro encontro o combinado galego non estivo cómodo sobre a pista fronte a un equipo dunha enorme velocidade e intensidade defensiva.

Dende o inicio, Cataluña saíu moi enchufada e enseguida viuse cunha renda de tres ou catro goles a favor (5-2, min. 10). Galicia, cunha defensa 5:1 non era capaz de atopar o seu sitio nin en ataque nin en defensa, nin impoñer o seu estilo, como fixo nos dous partidos anteriores. Ademais, as perdas en ataque, Cataluña convertíaas enseguida en gol en rápidas ondadas. Así, chegou o descanso con 15-9 no marcador.

Na segunda metade o equipo galego conseguiu reiniciar o xogo con boas sensacións e recortou as vantaxes, pero Cataluña non deu un intre de respiro cun altísimo ritmo de xogo, e no tramo final, o combinado galego perdeu intensidade para rematar co 28-19 final.

Agora a pensar nos cuartos de final contra Madrid, partido a vida ou morte en busca dunha praza nas semifinais.

Mañá, Galicia-Madrid (10:30 horas, cuartos de final)

Cadete feminina. Galicia 17:18 Euskadi

17. Galicia: Irene Ríos, Paula Diéguez, Adriana Rial (1), Alejandra Montenegro (1), María Baz, Nerea Patiño (3), Irene Romero (2), Naihara Costas, Ainé Roca, Lucía Castiñeira (6), Uxía Fernández (1), Inés Bernárdez, Iria Augusto, Sara Pereira (3), Ángela Portela, Iria Benaches.

18. Euskadi: Eider Polo, Andrea Saez, Izaro Saiz (9), Irene Martínez (2), Marene Agirre, Iraide Marcos, Izaro Martierena, Inés Lejarreta (2), Irati San Martín, Nahia Urbiola, Maialen Olabarria (3), Rosane Serrano, Libe Arruabarrena (2), Martina Klaunzer, Miren Llorente, Ixone García.

Árbitros: Iván Navarro e Guillem Baena. Excluiron dous minutos a Alejandra Montenegro, Ainé Roca (2) e Inés Bernárdez, por Galicia e a Irene Martínez, por Euskadi.

Parciais: 0-1, 2-2, 2-3, 2-5, 3-6, 6-8 (descanso), 8-8, 10-12, 14-13, 16-14, 16-16, 17-18 (final)

Incidencias: Terceira xornada do CESA, grupo B do Campionato de España categoría Cadete Feminina.

As nosas cadetes caeron derrotadas ante Euskadi, nun partido no que a presión foi a clave, xa que Galicia tiña o partido controlado a falta de dez minutos para o final, pero os nervios pesaron máis e levaron a Galicia á derrota e ao descenso á Copa de España.

A primeira metade foi complicada para as rapazas de Adrián Pumar, que non atopaban o camiño á portería rival. Se estrelaban unha e outra vez coa portería ou cos paus e aínda así estaban no partido, grazas ao bo traballo defensivo que as mantivo vivas. Ao  descanso, 6-8 para Euskadi. E tralo descanso, Galicia mudou de cara e as cousas comezaron a saír. Cun parcial de 0-4 nos primeiros cinco minutos lograron darlle a volta ao marcador (10-8), pero unha exclusión de Galicia permitiulle a Euskadi devolver o parcial (4-0) e volver a poñerse por diante, con demasiada facilidade.

Pero o equipo de Pumar parecía ter máis confianza e volver recuperar a distancia e a poñerse por diante no marcador, sen ter tantos problemas para marcar. No minuto 50, Galicia mandaba con dous tantos de diferencia e mellores sensacións na pista (16-14), pero regresaron os medos, encolleuse a man ante a porteira vasca e desaproveitaron varias ocasións para irse de tres e pechar o partido. Euskadi aproveitou as dúbidas para revivir e, con outro parcial de 4-0, sentenciaron a unha Galicia atenazada polos nervios.

Mañá, Galicia-La Rioja (18:00 horas, Copa de España)

Cadete masculina. Comunidade Valenciana 30: 30 Galicia

30. Comunidade Valenciana: Carlos Ramón, Carlos Martín (5), Hugo Vila (5), Faust Talens (1), Rafael Moreno, Anselmo Collado (1), Adrián Ripoll (11), Alberto Gallego, Pablo Esteve, Miguel Ángel Morales, Israel, Rafa Juan (2), Martín Cardá, David Carreño (5).

30. Galicia: David Failde, Pedro Fernández-Couto, Yago López (4), Pablo Veiga (1), Brais Martínez (2), Sergio Munín, Roi González (3), Eloy Domínguez (1), Yago Raimúndez (1), Xoán Fernández (4), Manuel Hernández (1), Samuel Seijas (7), Asier Vázquez, Adrián Rey, Manuel Lorenzo (6), Nico Giráldez.

Árbitros: Héctor Albert Gallador e Óscar Albert Gallardo. Descualificaron a Manuel Lorenzo (43:19) e Eloy Domínguez (59:41). Ademais, excluíron dous minutos a Carlos Martín, Anselmo Collado, Adrián Ripoll, Miguel Ángel Morales e Rafael Juan (C. Valencianda) e a  Pablo Veiga e Adrián Rey, por Galicia.

Parciais: 3-2, 5-4, 9-6, 12-8, 13-10, 15-12 (descanso), 18-15, 21-19, 23-22, 27-24, 29-27, 30-30 (final)

Incidencias: Terceira xornada do CESA, grupo B do Campionato de España categoría Cadete Masculina.

A selección galega cadete masculina despediuse da fase de grupos do CESA cun empate ante a potente Comunidade Valenciana, nun choque tremendamente igualado.

Foi difícil para os nosos xogadores saír á cancha sabendo que, polo resultado do outro partido do grupo, tiñan que gañar de nove goles (algo case imposible dado o rival) para avanzar cara aos cuartos de final. Esa presión notouse no campo, en forma de imprecisións por parte do equipo galego, que permitiu que Valencia estivera por diante con 2 ou 3 goles de vantaxe. Iso si, esa foi a renda que se mantivo durante todo o choque, sen que se rompera o partido e sempre con Galicia moi preto. Ao descanso, 15-12.

Na segunda metade, Galicia seguiu remando, loitando a pesar de que sabía que a vitoria non ía servir a nivel de obxectivos, pero estes xogadores querían despedirse cun bo partido e cun bo resultado. Así, pouco a pouco e sen baixar os brazos seguiron traballando ata que lograron alcanzar o empate a falta de só dous minutos para o remate  (29-29). O final foi de infarto. Galicia logrou poñerse por diante no marcador con gol de Eloy, pero a alegría non durou nin dous segundos, xa que inmediatamente a parella arbitral sinalou 7 metros en contra de Galicia ao interferir o propio Eloy no saque de centro. Así que finalmente, empate e, polo menos, boas sensacións para este equipo que estaba no grupo da morte, cos tres primeiros clasificados do Campionato de España infantil de hai dous anos.

Mañá, Galicia-Extremadura (18:00 horas, Copa de España)

Xuvenil feminina.  Galicia 19: 20 Navarra

19. Galicia: Lara García, Carla Vidal, Nerea Arias, Lucía Méndez (8), Lorena Vaello (1), Alba Afonso (2), Ángela Vilaboa, Eva Rodríguez, Lucía Álvarez (2), Mara González, Aroa Fernández, Noelia Solla, Mencía Lorenzo (1), Carla Baltasar (2), Yaiza Alonso (3), Tania Gómez.

20. Navarra: Alazne Iglesias, Idioia Sabuqui, Paula Zúñiga (1), Naiara Bozal, Maialen Echegaray (2), Nahia Aramendia (2), Jone Hijosa (1), Uxue Morentin (3), Nerea Aguinalgalde, Alba Serralvo (2), Leyre Samper (1), Lyndie Tchaptchet (3), Mara Galán (1), Erika Goya (1), Clara Arrasate (1).

Árbitros: David Mateos e Jon Cid. Excluíron dous minutos ás galegas Carla Vidal, Lorena Vaello, Ángela Vilaboa e Noelia Solla (3, descualificada no minuto 38:22) e por Navarra a Jone Hijosa, Nerea Aguinagalde e Alba Serralvo.

Parciais: 1-1, 1-3, 2-5, 3-6, 4-7, 6-10 (descanso), 8-12, 11-13, 14-17, 16-17, 17-19, 19-20 (final)

Incidencias: Terceira xornada do CESA, grupo B do Campionato de España Xuvenil Feminino.

Gran actuación da selección galega xuvenil feminina no partido de hoxe ante Navarra, un dos grandes favoritos a proclamarse campión de España. As galegas fixeron unha segunda metade espectacular, cunha enorme remontada e quedaron a só un tanto do empate. A pesar da derrota, Galicia clasificouse para os cuartos de final do Campionato de España.

Na primeira parte, Galicia cometeu moitos erros. A defensa 5:1 de Navarra provocou moitas dúbidas no conxunto dirixido por Carla Abad. Así, as perdas de balón en ataque, permitiron rápidas contras e goles, aínda que na defensa estática Galicia estivo a bo nivel. Ao descanso, 6-10.

Na segunda metade, Galicia arriscou e xogou con 7 xogadoras en ataque (portería baleira) e desta forma crearon moitos máis problemas á defensa navarra, mentres que o traballo atrás das nosas era impecable.

Así, o partido chegou tremendamente igualado aos instantes finais, nos que houbo moitas imprecisións dun e outro equipo e nos que Galicia tivo as súas opcións, pero faltou acerto. A falta de menos dun minuto, con posesión para Galicia para empatar (19-18), unha xogadora entrou antes de tempo e o balón cambiou de lado (e exclusión). Nestes 50 segundos finais (con Galicia en inferioridade) houbo tempo para un gol por cada equipo, un tiro ao pau e un lanzamento sobre a bucina. Iso si, a vitoria foi para Navarra, pero enorme o traballo de Galicia.

Mañá, Euskadi-Galicia (18:00 horas, cuartos de final)

Xuvenil masculina. Madrid 31:28 Galicia

31. Madrid: Hugo Lorenzo, Iker Aguilera (1), Alberto Donallo (3), Ignacio Domingo (1), Bruno Santísimo (4), José Blanco (3), Jorge Ramírez (4), Jorge Barroso (6), Gonzalo López, Guillermo López, Fernando González (1), Alejandro Echevarria, Ignacio Fernández (4), Ignacio Feijoo (3), David Rueda (1), Alejandro Cañas.

28. Galicia: Mateo Pallas, Abián Rodríguez, Eduardo Alonso (1), Martín Fuentes (4), Gael Blanco (7), José Manuel Meira, Iago Iglesias, Pablo Gándara, Manu Pérez (1), Martín González (3), Julián García (1), Juan Rodríguez, Marko Ojeda (2), Carlos Ocaña (9), Sergio Blond, Nuno Loxo.

Árbitros: Jorge Rodríguez e Alejandro Núñez. Descualificaron a Marko Ojeda (min. 41:15). Excluíron dous minutos a José Blanco (2) e Alejandro Cañas, por Madrid e a Gael Blanco, Pablo Gándara e Martín González, por  Galicia.

Parciais: 2-4, 6-5, 10-7, 12-8, 15-10, 17-12 (descanso), 18-15, 19-16, 21-19, 25-21, 27-24, 31-28 (final)

Incidencias: Terceira xornada do CESA, grupo B do Campionato de España categoría Xuvenil Masculina.

A selección galega xuvenil masculina cae á Copa de España, despois de perder no día de hoxe contra Madrid, nun partido que estivo condicionado pola mala primeira metade do conxunto galego.

E iso a pesar de que o inicio dos nosos foi moi bo, con moita intensidade e concienciados do que estaba en xogo, pero cando sufriron o primeiro atranco, o equipo perdeu a concentración e se afundiu. Unha vez máis encaixaban goles con excesiva facilidade e atascáronse en ataque. Así, ao descanso ían cinco goles abaixo (17-12).

Tocaba remontar e remar moito e o conxunto dirixido por Fernando Vázquez cambiou de actitude na segunda parte. Logrou acercarse a dous tantos, pero nunca puido estar más preto, porque mentres que a nosa selección xogaba a arreóns, Madrid nunca abandonaba o seu plantexamento inicial. Nos últimos cinco minutos, Galicia arriscou ao máximo con presión en toda a pista, pero foi imposible recortar para ter opcións.

Mañá, Galicia-Extremadura (18:00 horas, Copa de España)