ABERTO O PRAZO DE INSCRICIÓN PARA DOUS CURSOS DE ADESTRADOR/A DE BALONMÁN PRAIA

Xa está aberto o prazo de inscrición para dous cursos de monitor/a e adestrador/a especialista en balonmán praia!

O primeiro será o curso de monitor/a de balonmán praia nivel I que se celebrará os domingos 1 e 8 de maio, combinando clases online con presenciais. O prezo do curso é de 45 euros e todas as persoas interesadas deberán preinscribirse antes do 30 de abril a través da páxina web da FGBm, no seu apartado de formación. Nesta ligazón poderedes ver toda a información sobre o curso ou realizar a pre-inscrición.

O segundo curso será o de adestrador/a especialista en Balonmán Praia nivel II e o prazo de inscrición rematará o día 14 de maio. Neste caso a formación realizarase os domingos 15, 22 e 29 de maio e tamén haberá tanto clases presenciais como online.

Podedes ver toda a información sobre o curso, así como reservar a vosa praza da mesma forma que antes, a través da páxina web da FGBm. Aquí tedes a ligazón:

Nesta ocasión, esta formación farémola de forma conxunta coa Federación de Balonmán de Castela a Mancha, e coa certificación oficial da Real Federación Española de Balonmán.

Deja una respuesta

Tu dirección de correo electrónico no será publicada. Los campos obligatorios están marcados con *