As competicións galegas comezan a chegar a momentos claves. Esta fin de semana coñeceremos aos campións da Segunda División Cadete e Infantil Feminina, e ademais comezará a segunda fase da competición na División de Honra Xuvenil Feminina.
Segunda División Cadete Feminina
Esta fin de semana decidirase o campión desta división en un dobre choque entre Lavadores e AD Carballal, que foron os gañadores dos seus respectivos grupos.
O Lavadores foi o mellor na clasificación do grupo 1, despois de sumar 28 puntos en 14 partidos, é dicir, sumou todos os puntos en xogo.
No grupo 2 as cousas estiveron moito máis rifadas, ata o último partido. Carballal e Serfis Caixabank BM Cañiza chegaron empatados á última xornada e un enfrontamento directo entre ambos, que tamén rematou empatado, polo que se proclamou ganador o Carballal por mellor gol-average.
Así, a fase final será a dobre partido. O sábado 22 (16:30 horas) xogarán en Lavadores e o domingo 23 (18:30 horas) no Carballal. O campión de Segunda División terá un premio extra, que será loitar por clasificarse para xogar o Campionato de España.
Segunda División Infantil Feminina
Nesta categoría tamén rematou a fase de grupos con tres gañadores: SAR Ledisson B (grupo 1), Óptica Studio BM Cangas (grupo 2) e As Choqueiras de Redondela (grupo 3) e esta fin de semana teremos campión! O sábado 22 celebrarase no Gatañal a eliminatoria polo título coa participación dos tres equipos gañadores da fase de grupos. O primeiro partido será o SAR Ledisson B – Óptica Studio BM Cangas (16:30 horas). A continuación (18:15 horas) As Choqueiras enfrontarase ao perdedor deste duelo, e ao remate do mesmo, As Choqueiras xogará contra o vencedor do primeiro partido. Como no caso das cadetes, o campión de Segunda xogará por ese premio extra de buscar un oco para xogar o Campionato de España.
División de Honra Xuvenil Feminina
Nesta categoría comeza esta fin de semana a segunda fase da competición, despois de que se xogase a primeira fase ou fase regular, na que os 18 equipos participantes estiveron divididos en dous grupos de 9 equipos.
Nesta segunda fase, haberá dous grupos: O grupo polo título, que estará formado polos catro primeiros clasificados da fase regular (Grupo 1 e 2) e xogarán baixo o sistema de liga todos contra todos a dobre volta, tendo validez e conservando os resultados da primera fase. E o grupo de clasificación, que estará formado polos 5 últimos clasificados de cada grupo da fase regular. Esta segunda fase desenvolverase do 22 de febreiro ao 29 de marzo.
