BALONMÁN DE LONXE: CECILIA CACHEDA

Cecilia Cacheda chegou ao balonmán case por casualidade e iso que antes de pisar unha pista, lle tiña un pouco de manía ao balonmán… Pero foi probalo e «xa non me perdín ningún adestramento». A dezana, despois dunha década no BM Porriño, marchou hai unha tempada para Liberbank Gijón, onde se atopa moi feliz, aínda que bote de menos á familia e amigos. Queredes coñecela un poco máis? Con vostedes: Cecilia Cacheda!