Samertolameu, na categoría feminina, e BM Culleredo, na masculina, proclamáronse hoxe campións das Final Four Deputación da Coruña e acadaron unha praza para disputar as fases de ascenso a División de Honra Prata Feminina e Primeira Nacional Masculina, respectivamente.
Categoría feminina
![](https://fgbalonman.es/wp-content/uploads/2021/05/9P-1024x683.jpg)
O Samertolameu logrou proclamarase campión da Final Four feminina, tras superar ao BM Chapela. As de Meira controlaron o partido, ante un Chapela que non parecía cómodo en momento algún. Na primeira metade o choque estivo máis igualado, e BM Chapela e Samertolameu ían alternando posicións, para chegar ao descanso o Samertolameu un gol arriba. Na segunda metade todo continuou igualado ata os últimos dez minutos, nos que as de Meira xogaron con moita cabeza e lograron a vitoria (22:17).
Categoría masculina
![](https://fgbalonman.es/wp-content/uploads/2021/05/732565f5-8e1e-4979-9c26-2e65a42735e6-1024x682.jpg)
Emocionante final a que nos ofreceron MC360 Poio Artai e BM Culleredo. O Poio foi por diante no marcador durante case todo o partido, chegando a ter unha máxima vantaxe de seis goles mediada a segunda parte, pero o Culleredo deu a volta ao marcador. Cambiou a defensa (5.1 moi presionante) e o Poio non foi quen de atopar os ocos para superar ao rival. Primeiro lograron o empate (22-22, min. 53) e despois puxéronse por diante no marcador por vez primeira a falta de 30 segundos para o final (25-24). Enorme remontada e triunfo para os locais, que acadaron así a clasificación para a fase de ascenso a Primeira Nacional Masculina.