Mecalia Atlético Guardés e Conservas Orbe Zendal BM Porriño afrontarán o 4 de febreiro a eliminatoria.
O Mecalia Atlético Guardés e o Conservas Orbe Zendal Balonmano Porriño coñeceron xa os seus adversarios nesta segunda rolda do campionato, que se celebrará mañá 4 de febreiro, en formato de eliminatoria a partido único, o que incrementa o valor e a esixencia competitiva dun encontro no que só pode quedar un.
Unha vez máis, dous clubs históricos do noso territorio cargan con orgullo o nome de Galicia no panorama estatal. Tanto guardesas como porriñesas contan con experiencia, talento e un proxecto consolidado, polo que esta ronda será o punto de partida para avaliar ambicións, obxectivos e futuro nunha copetición que cada ano deixa grandes historias deportivas.
Un formato exigente que non dá marxe ao erro
A eliminatoria decidirase en 60 minutos decisivos, sen segunda oportunidade, o que obriga a maximizar rendemento, concentración e xestión emocional. Tanto Guardés como Porriño saben que unha boa posta en escena será clave para controlar o ritmo do partido e loitar polo billete aos cuartos de final.
O camiño non será doado, pero si ilusionante. Ambos clubs afrontan a cita con plantillas reforzadas e un crecemento continuo nas últimas tempadas, tanto a nivel deportivo como estrutural.
O apoio da afección, fundamental
A Copa é tradición, identidade e sentimento. Animamos a toda a afección galega, sexa desde a bancada ou desde a distancia, a apoiar aos nosos equipos, a vivir o camiño con ilusión e a facer de cada partido unha festa para o noso deporte.
A conta atrás xa está en marcha. E o soño da Copa da Raíña… segue vivo
