ABERTO O PRAZO DE INSCRICIÓN PARA OS CURSOS DE ÁRBITRO INICIACIÓN/ASPIRANTE E DE ANOTADOR/CRONOMETRADOR

Novos cursos para árbitros/as e anotador(a)/cronometrador(a). A Federación Galega de Balonmán abriu hoxe 6 de xullo o prazo de inscrición duns cursos de anotador/cronometrador e de árbitro de iniciación, que se realizarán de forma on-line, co obxectivo de favorecer que as e os interesados podan realizar esta formación dende casa e adaptado ás súas posibilidades horarias.

Curso árbitro/a iniciación/aspirante. O curso divídese en dúas fases, unha de iniciación (BM5) e outra de aspirante (BM7) cunha única matrícula. A primeira fase teórica desenvolverase do 20 de xullo ao 3 de agosto (iniciación BM5). A segunda fase teórica celebrarase entre os meses de decembro e xaneiro, con datas pendentes de confirmar.  O curso terá unha carga lectiva de 162 horas, das cales 120 serán en prácticas. O prazo de inscrición vai do 6 ao 17 de xullo e para poder realizalo o interesado ten que ter os 14 anos cumpridos.

A finalidade deste curso é que o alumnado adquira os coñecementos e habilidades necesarias para obter a titulación federativa e poder arbitrar na FGBM. Para superalo, hai que aprobar as dúas fases do mesmo. O alumnado durante a tempada 2020/21 terá a consideración de árbitro en prácticas. Será na  tempada seguinte (2021/22) cando se lle considere árbitro aspirante da FGBm, pasando a formar parte da plantilla arbitral galega.

Neste enlace podedes informarvos sobre o curso e realizar a preinscrición.

Curso anotador(a)/cronometrador (a). O período de inscrición vai do 6 ao 17 de xullo e o curso celebrarase do 20 de xullo ao 3 de agosto, para o apartado teórico (16 horas).As prácticas realizaranse de agosto a decembro do 2020.

Para poder realizar este curso debes ter 16 anos e contar co título de graduado en Educación Secundaria.

No seguinte enlace tedes toda a información ao respecto deste curso.

E non esquezades que para facer a preinscrición, debedes estar afiliados no sistema Misquad. No caso de que non esteades afiliados, deberedes realizar previamente o proceso de afiliación na páxina principal da web ( https://hub.misquad.es/misquad-balonmano/) e posteriormente xa poderedes facer a preinscrición. Unha vez que tanto a afiliación como a súa preinscrición sexan validadas polo administrador, teredes acceso ao curso na vosa área privada.

Deja una respuesta

Tu dirección de correo electrónico no será publicada.