Escoitar á viguesa Begoña Fernández é un orgullo, xa que enfronte tes unha lenda do noso balonmán. Foi a capitana da selección española que logrou o bronce nos Xogos de Londres 12, a primeira medalla olímpica do balonmán galego. Pero hai moito máis: Prata no Europeo de 2008, bronce no Mundial 2011, e a nivel de clubs a galega posúe máis de vinte títulos. Pero se nos conquistou na pista, aínda engancha máis ao escoitala falar do balonmán, das súas experiencias, das súas compañeiras… Con vostedes, Begoña Fernández!
