Comeza o IX Campionato Galego de Balonmán Praia

Esta fin de semana (do 14 ao 16 de xuño) celebrarase o Torneo de Baiona de Balonmán Praia, primeira proba da novena edición do Campionato Galego, organizado pola Federación Galega de Balonmán en colaboración coa Secretaría Xeral para o Deporte da Xunta de Galicia.

Serán tres días de competición nos catro campos dispostos na praia de Ladeira e con 70 equipos inscritos das categorías alevín (mixta), infantil, cadete, xuvenil e sénior (masculina e feminina), e nos que poderemos gozar cos mellores conxuntos galegos de balonmán praia. Así neste primeiro torneo competirán os campións galegos do pasado ano (como o PTV HandStrand ou Veba Waterfuckers sénior), e iso a pesar de que o curso escolar aínda non rematou, o que afecta á participación das categorías menores. Desta forma, a  categoría con máis participantes será a sénior con 16 equipos na masculina e 7, na feminina.

A de Baiona será a primeira proba do Campionato Galego, que está formado por cinco torneos clasificatorios (Baiona, O Grove, Bueu. A Guarda e Moaña) e a gran final, que se celebrará na praia de Samil en Vigo do 19 ao 21 de xullo. Para poder clasificarse para a fase final, os participantes deberán participar nun mínimo de tres torneos do Galego. A proba de Bueu forma parte do Circuíto 1.000 de Balonmán Praia, polo que tamén poderemos gozar cos mellores equipos españois.

Un ano máis o balonmán praia volverá amosar a súa espectacularidade nos areais da nosa terra e os seguidores poderán gozar dunha especialidade que crece ano a ano tanto en practicantes como en afección.

Ano 2018. Veba Waterfuckers feminino e PTV HandStrand masculino proclamáronse o pasado ano campións galegos de balonmán praia na categoría sénior. A fase final celebrouse na praia Banda do Río de Bueu.

Deja un comentario

Tu dirección de correo electrónico no será publicada. Los campos obligatorios están marcados con *