Quen dixo que íamos aburrirnos ou estar de brazos cruzados durante este «encerro» polo COVID-19? Para nada! Dende a Federación Galega de Balonmán traballamos en propoñervos accións de formación, para que saiamos de aquí cunha ensinanza máis, tanto na vida como no balonmán.
Así, xa temos un planazo para a vindeira semana! Do 23 ao 27 de marzo, Semana Online de Balonmán Base, cuns profesores de elite que nos aportarán a súa experiencia e coñecementos. José Ignacio Prades, Ismael Martínez, Abel Estévez, Ignacio Moyano, Javier Fernández, Alejandro Mozas, Alberto Suárez…. Son algúns dos nomes que nos acompañarán ao longo destes cinco días de master online. No documento adxunto tedes o programa coas temáticas a desenvolver e os seus protagonistas.
O prazo de inscrición vai dende hoxe 18 ata o 22 de marzo e o custe do curso será de 25 euros.
