Hoxe celebrouse nunha contorna paradisíaca, xunto a Praia de Menduíña en Cangas, o acto de presentación da Copa e SuperCopa Galicia 2022, que se disputarán no Gatañal do 26 ao 28 de agosto.
No devandito acto estiveron presentes a alcaldesa de Cangas, Victoria Portas; o secretario xeral para o Deporte, José Ramón Lete; a deputada provincial Ana María Mejías; a concelleira de Deportes de Moaña, Dolores Chapela; e o presidente en funcións da Federación Galega de Balonmán, Bruno López, ademais dunha importante representación dos clubs participantes.
O presidente en funcións Bruno López recordou que hai dous anos cambiou o formato desta competición, “para poñer en valor o balonmán galego, dando máis visibilidade a esta competición, queríamos crearlle aos xogadores e xogadoras a necesidade de xogar esta fase final, e queríamos darlle cabida aos equipos de autonómica”. E dous anos despois o balance non pode ser máis positivo, xa que “temos claro que a Copa e Supercopa Galicia é a mellor competición do balonmán galego e unha das máis vistosas a nivel nacional”.
Foi un acto no que os clubs e os seus xogadores e xogadoras foron os grandes protagonistas, para presentar unha competición que comezará o venres coa disputa das semifinais da Copa Galicia masculina. En total será dez partidos en tres días e 12 clubs participantes, aínda que o BM Porriño terá tripla presenza, xa que clasificou a tres equipos para a fase final (o masculino e o de División de Honra Prata feminino na Copa e o equipo feminino da Liga Iberdrola na Supercopa Galicia).
Calendario da competición
Venres 26 de agosto
SEMIFINAIS COPA GALICIA MASCULINA
19:00 horas – UB Lavadores – BM Ribeiro Rodosa Ourense Provincia Termal
21:00 horas – Indupor BM Porriño – Bueu Atlético Balonmán
Sábado 27 de agosto
SEMIFINAIS COPA GALICIA FEMININA
11:00 – Rubensa BM Porriño – Asmubal Meaño
13:00 – Calvo Xiria – Oliveira&Faro Saeplast Cañiza
SEMIFINAIS SUPERCOPA GALICIA MASCULINA
17:00 – Cisne Colegio los Sauces – Valinox Novás
19:00 – Frigoríficos do Morrazo – Disiclín BM Lalín
Domingo 28 de agosto
FINAL COPA GALICIA MASCULINA …………………..………11:00
FINAL COPA GALICIA FEMININA ………………………..……..13:00
FINAL SUPERCOPA GALICIA FEMININA
Mecalia Atlético Guardés – Conservas Orbe Rubensa BM Porriño….17:00
FINAL SUPERCOPA GALICIA MASCULINA ……………………19:00
I don’t think the title of your article matches the content lol. Just kidding, mainly because I had some doubts after reading the article.
Your article helped me a lot, is there any more related content? Thanks!