A Unión das Federación Galegas Deportivas (UFEDEGA) organiza a xornada «As redes sociais no deporte», que se celebrará o próximo día 14 de novembro (17:30 horas) na Casa do Deporte de Vigo.
Este curso de formación, que será impartido pola axencia de marketing Roi Scroll, vai dirixido a federacións, clubs e deportistas federados. Os interesados deben inscribirse neste correo electrónico: ufedega@gmail.com.
Esta será unha das actividades incluidas no convenio asinado entre UFEDEGA e a Secretaria Xeral para o Deporte, para a posta en marcha dunha campaña de formación e asesoramento para as federacións deportivas e os clubs galegos.
A UFEDEGA ten como obxectivo prioritario defender o deporte federado galego e tratar de conseguir unidos melloras para as federacións galegas e as e os seus federados. Dende hai máis de un ano (marzo de 2018) conta con nova xunta directiva, na que Rafael Louzán é o presidente e Bruno López, presidente da Federación Galega de Balonmán, actúa como vicepresidente.
