O 24 DE FEBREIRO O PROGRAMA CONVIVIR DEPORTIVO DA RADIO GALEGA TERÁ A FRAN TEIXEIRA COMO PROTAGONISTA

Fantástico evento o que nos espera o 24 de febreiro (18:30 horas) na Casa do Deporte en Vigo. Alfonso Pardo entrevistará no programa Convivir Deportivo da Radio Galega a Fran Teixeira, o técnico galego máis galardonado.


Que dicir de Fran! Toda unha vida adicada ao balonmán. Comezou nos bancos con 15 anos adestrando a un equipo infantil do Santa Cristina e con 19 anos xa estaba na categoría sénior, adestrando a xogadores moito maiores ca el. Pasou polo Santa Cristina, Lalín, Mercantil, Teucro, Chapela, Octavio, Gaia, Sporting de Lisboa e regresou ao Chapela hai xa máis de 10 anos, onde continúa. Ademais foi seleccionador galego en todas as categorías e no ano 2018 recibiu a medalla e insignia de oro ao mérito deportivo da Federación Española de Balonmán.


O programa promete, porque ninguén como Fran para contarnos algunha das súas anécdotas ao longo de tantos e tantos anos na banda. E tamén haberá invitados, nunha tarde única de balonmán! Non volo perdades! Entrada de balde! #SomosGalicia

Por se queredes ir facendo boca, con momentos únicos do balonmán galego da man de Fran Teixeira.

Deja una respuesta

Tu dirección de correo electrónico no será publicada.