O galego Rodrigo Corrales forma parte da convocatoria da selección española de balonmán, os Hispanos, para os dous amistosos que xogarán contra Romanía en Avilés os días 4 (21:00 h.) e 6 (19:00) de novembro. Ademais, tamén forma parte da convocatoria o xogador do Frigoríficos do Morrazo BM Cangas, Daniel Fernández.
Os xogadores están citados o día 1 de novembro e o regreso está previsto para o domingo 7 de novembro. A continuación tedes a lista de convocados e o plan de traballo.
