ESTA FIN DE SEMANA, FINAL FOUR XUVENIL MASCULINA E FEMININA EN CANGAS

Chegou por fin a primeira Final Four da tempada 21/22! Esta fin de semana (2 e 3 de abril) xogarase no Gatañal (Cangas) a Final Four xuvenil masculina e feminina. En xogo, a clasificación para os sectores nacionais, así que temos por diante dúas xornadas de moito balonmán e emoción.

O sábado 2 de abril comezaremos coa competición masculina. A primeira semifinal enfrontará ao BM Luceros (segundo clasificado) co Balonmán Porriño (quinto na Liga) a partir das 11:00 horas. A continuación (13:00 horas) disputarase a segunda semi entre o BM Tui (4º) e a SD Teucro Voz y Sonido Producciones (3º). Os dous equipos clasificados xa terán garantida a súa praza nos sectores nacionais, ao ampliarse o cupo galego a tres equipos, polo que disputarán os sectores nacionais O Cisne Colegio Los Sauces (campións galego) e os dous finalistas da Final Four.

Pola tarde, chegará o momento da competición feminina. Na primeira semifinal (16:00 horas) o Calfrima Carballal (2º clasificado) enfrontarase a gran sorpresa da fase, o Coreti Lalín, campión da Liga Prata. O conxunto lalinense logrou superar ao BM Lavadores (5º clasificado Liga Ouro) na eliminatoria pola Final Four, sendo a primeira vez que o campión de Prata elimina ao conxunto da Liga Ouro.

A segunda semifinal comezará ás 18:00 horas con Vitaldent Cangas (3º) e Mecalia Atlético Guardés (4º) como protagonistas. Nesta ocasión, os finalistas aínda terán que dar un paso máis para acadar a súa clasificación para a competición nacional. Na categoría xuvenil feminina logran entrar nos sectores nacionais o campión galego (BM Porriño) e o gañador da Final Four.

O domingo pola mañá celebraranse os partidos de loita pola terceira posición e pola tarde, despois do partido de Asobal Frigoríficos do Morrazo BM Cangas-Bada Huesca, celebraranse as dúas finais. A masculina comezará ás 18:30 horas e a feminina, ás 20:30 horas. Todos os partidos serán retransmitidos por streaming na canle de youtube da Federación Galega de Balonmán.

Deja una respuesta

Tu dirección de correo electrónico no será publicada.