O galego Rodrigo Corrales (Telekom Veszprém HC) forma parte da convocatoria ofrecida por Jordi Ribera, seleccionador dos Hispanos, para a terceira e cuarta xornada da EHF EURO Cup 2022, nas que se enfrentarán a Croacia. O 5 de xaneiro (17:15 horas) xogarán en Porec (Croacia) e o 9 de xaneiro (18:00 horas) no WiZink Center de Madrid.
No segundo grupo, Xoan Ledo
Pero non remata aquí a actividade dos Hispanos, xa que hai un segundo grupo concentrado nestes días en Granollers no que tamén temos a un porteiro galego: Xoan Ledo (Bidasoa Irún). Este equipo, que xa disputou o torneo de Catar, está a preparar un triangular do Nadal, que se celebrará en Rusia. O primeiro compromiso será ante Arxentina o 7 de xaneiro, mentres que no segundo se enfrontarán a Rusia o 8 de xaneiro.
E trala disputa destes compromisos, o día 10 de xaneiro, será cando Jordi Ribera dea a coñecer a lista definitiva para o Campionato do Mundo de Exipto de 2021, que se celebrará do 14 ao 31 de xaneiro.